الجمعة، 11 أبريل 2008

إهدائان .. وعزاءان ...

بعد تحديث الفيديوهات لسهولة التحميل ...
***
المرة دي يا جماعة قلت أريحكم من السياسة والإضرابات ووجع الدماغ اللي ما بيخلصش ...
عشان كده انهارده قلت أقدم لكم هديتين من نوع خاص .. وهو النوع الذي أحبه دائما .. الشعر ، لهذا آثرت تقديم مقطعين من قصيدتين لاثنين من أبناء كليتي العزيزة ..

الأول .. مقطعين من قصيدة للدكتور سالم صلاح سالم بعنوان "عربي أم مسلم " ألقاها في ملتقى شعري في كليتنا ، وهو قد تخرج منذ عدة سنوات .. وفقه الله في حياته العملية وفي موهبته الشعرية
المقطع الأول



المقطع الثاني



أما الثاني ... فهو مقطع من قصيدة لأخي وحبيبي مصطفى علام زميلي في الدراسة حاليا ، وزميلي في الراوند سابقا بعنوان " ما عاد شيء من بقاء " ألقاها أيضا في نفس الملتقى الشعري



وبهذه المناسبة أوجه لهما خالص التحية والتمنيات بالتوفيق دائما في مجالهما العملي والأدبي

معذرة يا جماعة .. ياريت نصبر شوي على التحميل لأنها فعلا تستحق
..............................................................

وختاما ... أجد من الواجب علي أن أتقدم بخالص العزاء لزميلي الكريمين .. أحمد فتحي ، ومحمد علام ، لوفاة والديهما .. رحمهما الله رحمة واسعة وأسكنهما فسيح جناته ، وألهم أهلهما الصبر والسلوان .. وجعلها آخر الأحزان .

هناك 15 تعليقًا:

۩۝۩ Dr. Flavio ۩۝۩ يقول...

الله عليك يا عمر باشا

هي دي المفاجآ وإلا فلا

تسلم ايدك

وطبعا عزاء خاص لزميلينا أحمد فتحي ومحمد علام
اللهم ألهمهما الصبر وأسكن والديهما فسيح جناتك

أحمد سعيد بسيوني يقول...

بسم الله
جميل الدكتور سالم
ورائع الزميل مصطفى
وانت الاجمل والاروع ... وسعت شوية
خالص عزائنا للزميلين العزيزين
تحياتي
بانتظار الحوار المختلف !!!

إخوانى حتى النخاع يقول...

السلام عليكم ورحمة الله وبركاته


انا سمعت حبة من الأشعار

بس بجد زى العثل


حلو أوى الأشعار دى

وكل التعازى لأحمد فتحى ومحمد علام


أخوك

Hosam Yahia حسام يحيى يقول...

جميله بجد


تحيااااتى


ايه انا حبيت برده اغير عدد التعليقات

:D

محمود ابوالعزم يقول...

تسلم ايدك يا عمر
بجد انا لو بختار اتنين من اليوم ده
كنت هختار سالم كأحسن كلمات
ومصطفي كأحسن القاء
ربنا يكرمك يا رب يا عمر

والبيتين دول هدية مني لمدونتك

ندايا هطلّعه للكون
ولو حولىّ مليون سور
بحب النور ومهما يكون
هعيش دايما ... بحب النور

صناع المحلة الكبرى .. دواهم في غيدك يقول...

أيون كده يا عم عمر
ظبطت الدنيا أنت كده
ء
أشكرك جدا يا عمر على الفيديو الجميل ده
و لو أنى شامم ريحه الكوسه :)))
بس مش مشكله

بجد أنا سعيد جدا بالمقطع ده
و الدكتور سالم طبعا كلامه روعه مفيش كلام

جزاك الله كل خير

غير معرف يقول...

السلام عليكم
جزاكم الله خيرا على ما قدمته لنا
تحياتى

shaimaa samir يقول...

الدكتور سالم
ما شاء الله على كتاباته
هو ابن عم زميل لنا
وجاء لكليتنا فى افطار رمضانى
والقى شعره
هو راااائع
نتمنى له التوفيق فى ديوانه الجديد
قصائد ندمت على كتابتها

جزاكم الله خيراا

غير معرف يقول...

السلام عليكم.. جميل ان يكون لنا اهتمامات اخري غير مجال الدراسة..والاجمل ان الاهتمامات دي منها الشعر..تدوينة متميزة يا دكتور...وعلشان هي عجباني جدا..فانا هادعو حضرتك دعوة متميزة جدا.."ادعوك لحضور حوار د\ احمد عبد الستار مع بنات شكل تاني..علي موقع"yallagam3a"والدعوة مفتوحة..تقدر تعزم اللي انت عايزه.والسلام عليكم ورحمة الله.

عمر يقول...

عزيزي محمود فرج

شكرا لزيارتك وتسلم ايدك على التعليق

عمر يقول...

أبوحميد

أنت الأروع والله ، ومش مشكلة وسعها المرة دي

وإن شاء الله قريبا الحوار المختلف

عمر يقول...

أخي إخواني

شكرا لزيارتك وتحياتي لك

عمر يقول...

حسام باشا

ماشا ياعمي أشكرك شكرا جزيلا

اوعى تفكر يقول...

ايه الكلام الجامد ده
نفسى اعرف بتجبوه منين

۩۝۩ Dr. Flavio ۩۝۩ يقول...

دعــــوه عــــامـــه

أدعوك أخي الكريم عمر وكل زوار مدونتك الجميله إلي لقاء شعر يآخر يوم الثلاثاء القادم بقاعة ابن سينا بالدور الثالث بكلية طب طنطا

أنا كتبت العنوان بالتفصيل عشان لو حد من بره الكليه عاوز ييجي

ودعواتك بقه لأن عندي امتحان في نفس ذات اليوم وده باطنه مش اي كلام

تحياتي لك